Igihugu cya Singapore cyashimangiye umubano wacyo n’u Rwanda

0
504

Ni mu ruzinduko rw’umunsi umwe minisitiri w’intebe wa Singapore Lee Hsien Loong yagiriye mu Rwanda aho yakiriwe muri Village Urugwiro na Perezida wa Repubulika y’u Rwanda Paul Kagame, kuri uyu wa mbere aho baganiriye ku mubano usanzwe w’ibi bihugu byombi.

Ubwo baganiraga ni itangazamakuru nyuma gato y’ibiganiro byahuje aba bayobozi bombi, Perezida Kagame yatangaje ko bemeranyije ko bagiye bagiye gukorana ibirenzeho mu myaka iri imbere.

Yashimiye kandi igihugu cya Singapore nk’umufatanya bikorwa wizewe banamaranye igihe, kandi ndetse ko u Rwanda ruha agaciro ubufatanye bwa banki nkuru z’ibihugu byombi, ubucuruzi hamwe n’ishoramari.

Perezida Kagame kandi yakomeje avuga ko u Rwanda ruri kurebera hamwe mu kwagura imikoranire na Singapore irimo iy’ubucuruzi n’ishoramari, ndetse n’uburezi muri rusange.

“Tuzakorera hamwe mu gice cy’ikoranabuhanga ryatuzamurira iterambere, kandi murebe uburyo ikoranabuhanga ryatanze umusaruro mu iterambere rya Singapore ndetse n’abandi bafatanyabikorwa bo muri aziya.” Minisitiri w’intebe Loong, warugiriye uruzinduko rwa mbere ku mugabane wa
Afurika, yavuze ko arangajwe imbere n’imikoranire na perezida Kagame mu rwego ku noza umubano, yagize ati, “ Nubwo turi ibihugu biri ku migabane itandukanye, ibihugu byacu bihuriye kuri byinshi.”

Loong yavuze u Rwanda nk’igihugu gishishikajwe no kwiteza imbere, ubwiyunge n’iterambere. Singapore n’u Rwanda ni ibihugu bifitanye umubano mubya dipolomasi kuva, tariki 18, werurwe, 2005, kuva ubwo bahise bagirana amasezerano muby’ubucuruzi n’ubuhahirane kugeza none. Imiginderanire y’abaturage
b’ibihugu byombi yaje koroshywa nkaho 2008 u Rwanda rwafunguye amabasade muri Singapore.

Ibi bihugu byombi byanagiranye amasezerano yo gukuraho gusoresha kabiri mu rwego rwo koroshya ubuhahirane bw’ibihugu byombi akaba yarasinywe muri kanama 2014.

Singapore nicyo gihugu ku isi gifitanye ubufatanyabikorwa mu by’ubucuruzi n’u Rwanda, aho amafaranga afite agaciro gasaga milingaiyoni 135 z’amadorali arizo zimaze gushorwamo imari n’ibigo by’abikorera bo muri Singapore mu Rwanda.