Covid-19 : Kenya Yahagaritse ingendo zindege ziva mu Buhinde

0
374

Kenya yatangaje kuri uyu wa gatatu ko ibaye ihagaritse by’agateganyo, urujya n’uruza rw’indege zitwara abantu ziva mu Buhinde kubera ikwirakwira ry’icyorezo cya Corona muri iki gihugu cyo muri Aziya y’Amajyepfo.

Minisitiri w’ubuzima muri Kenya, Mutahi Kagwe, yavuze ko Kenya yakurikiraniye hafi uko iki cyorezo kiri kugarika ingogo mu Buhinde, ahita abona ko byaba byiza babaye bahagaritse izo ndege, mu gihe cy’iminsi 14.

mu Buhinde Aha niho batwikira imirambo barimo gukora ijoro ryose, banakoresha ahatari ikindi kintu nko muri za parike n’aho baparika imodoka bahakusanyiriza ibyo gutwikisha

Imibare yatangajwe na leta igaragaza ko umubare wose w’abamaze kwicwa na coronavirus wamaze kurenga 200,000, ariko inzobere zivuga ko umubare nyawo ushobora kuba ari munini cyane gusumba uwo.

Kuri uyu wa kane, iki gihugu cyatangaje abanduye bashya 379,257, ba mbere benshi babonetse ku isi mu munsi umwe.

Uyu munsi wanabaye uwa mbere iki cyorezo cyishemo benshi kugeza ubu – abantu 3,645.

Ukwezi kwa kane kwabaye kubi kuri Kenya kuva iki cyorezo cyagera muri Kenya, aho abantu 535 bishwe na Covid-19 kuva mu ntangiriro z’uku kwezi.

Kugeza ubu, Kenya igeze ku bantu hafi 158 300 banduye ndetse n’abarenga 2 600 iki cyorezo kimaze guhitana.