Urukiko rwo muri Uganda rwatangaje ko rwamaze kwakira kandi rugiye gusuzuma ikirego gishinja Robert Kyagulanyi, azwi cyane nka Bobi Wine, kubeshya imyaka.
Uyu mugabo uri kwiyamamariza kuyobora Uganda bivugwa ko yahaye akanama gashinzwe gutegura amatora itariki y’ amavuko itariyo.
Urukiko rukuru rwo mu karere ka Wakiso rwategetse Bob wine kwitaba umucamanza tariki ya 16 uku kwezi akiregura.
Uri gushinja BOB wine ni umugabo witwa Male Mabirizi, uvuga ko afite impapuro zo ku ishuri Bob wine yizeho zerekana ko yavutse ku wa 12 z’ukwa kabiri 1980.
Ni mu gihe nyamara Indangamuntu ya bob wine yerekanye ajya gutanga candidature yerekana ko yavutse ku wa 12 z’ukwa kabiri 1982.
