Zambia yahakanye ibyavuzwe na Sankara mu rukiko

0
69

Leta ya Zambia yaraye isohoye itangazo rihakana ibyavuzwe na Nsabimana Callixte Sankara ivuga ko ari ibinyoma.

Uyu kuwa mbere yari yavugiye mu rukiko ko Perezida wa Zambia Edger Lungu yahaye ubufasha bw’ amafranga umutwe urwanya leta y’ U Rwanda.

Kuwa mbere i nyanza mu rukiko Callixte Nsabimana ‘Sankara’ atangira kwiregura, yavuze ko perezida wa Zambia Edger lungu yahaye ubufasha umutwe yari abereye umuvugizi.

Ubu bufasha bukaba bwari ubwo gufasha mu rugamba rwo gukuraho ubutegetsi buriho mu Rwanda.

Sankara yavugiye mu rukiko ko Paul Rusesabagina uyobora umutwe witwa MRCD utavuga rumwe n’ubutegetsi bw’u Rwanda yahawe na  Perezida Edgar Lungu wa Zambia $150,000 yo kubafasha mu bitero uyu mutwe wagabye ku Rwanda.

Itangazo ry’ibiro by’umukuru wa Zambia ryasohotse mu ijoro ryacyeye rivuga ko leta ya Zambia ihakana yivuye inyuma  rigashimangira ko ari ibinyoma bidakwiye guhabwa agaciro nuwariwe wese.

Iri tangazo kandi rivuga ko imibanire y’u Rwanda na Zambia ikomeje kuba ntamacyemwa.

Nsabimana mu kwiregura kwe yavuze ko umutwe wa FLN wahawe ubufasha mu buryo bunyuranye na leta ya Uganda n’iy’u Burundi, ibyo ibi bihugu byahakanye mu bihe byashize.

Habineza Fiston Felix