“Utunini tunywa tumaze kubikora ngo tudasama turacyahenze Pe!” -Umukobwa

0
118

Bamwe mu rubyiruko rw’ abakobwa n’ abagore baravuga ko imiti ifasha mu kudasama mu gihe wakoze imibonano mpuzabitsina idakingiye igihenze cyane.

Ibinini bivugwa ni ibinini binywebwa nyuma y’ amasaha macye ubinywa akimara gukora Imibonano Mpuzabitsina.

Keza Alice ( Izina ryahinduwe) yabiwye Royal Fm ko nkumukobwa ahendwa cyane niyi miti kandi hari igihe ayikenera mu butyo yita ko ari ubutabazi.

Yagize ati : “ Biriya binini birahenze pe, ariya mafaranga ibihumbi 10Frw  na 15 Frw wapfa kuyakurahe koko kandi ko umuntu aba ari mu bihe bigoranye kandi byihutirwa”

Clemence ( Izina ryahinduwe ) we yagize ati : “Biriya binini kubigura bisaba ubushobozi cyane cyane ko uba unabicyeneye mu buryo bwihutirwa, niyo mpamvu nyine umuntu anabireka too ukayitwita ukanayibyara nonese wagira ute ? “

Ku ruhande rw’ imiryango itari iya leta ikora mu rwego rw’ ubuzima nayo isaba ko Leta yakora ibishoboka iyi miti ikagabanyirizwa ibiciro.

Umuryango utari uwa Leta HDI uharanira ko abaturage bagira ubuzima buzira     umuze HDI usaba leta gushyiraho ibiciro ntarengwa kuri iyi miti kuko nayo ari imwe muri icyenewe cyane.

Umuyobozi w’ uyu muryango avuga ko iyi miti nayo yakagombye gushyirwa ku rutonde rwitumizwa na leta biryo igashyirwa mu bigo nderabuzima kubruyo bwakorohera uyishaka kuyifata.

Yagiz ati : “Icyambere nuko hashyirwaho ibiciro ntarengwa, hakabaho uko ibiciro bigenwa kugirango amapharmacie ntarenze ngo agurishe ku mafaranga menshi, icya kabiri iriya miti yakagombye gutumizwa na CAMERWA kuburyo na leta yafasha mu kuyitumiza hanze bityo abacuruza imiti bakayibona izanywe na leta kandi byagenwe ndetse ikaba yanaboneka mu bigo nderabuzima”

Akomeza agira ati “ Hagomba no kubaho kwigisha abakobwa n’ abashatse uburyo iyi miti ikoreshwa kuko no kuba itaboneka abantu batayifiteho amakuru bituma ishobora no gukoreshwa nabi.”

HDI ivuga ko akenshi usanga abana babakobwa babacyene aribo bagwa mu byaha byo gukuramo inda mu buryo bunyuranyije n’ itegeko maze bakabifungirwa.

Ntitwabashije kuvugana n’ Urwego rwa leta rufite mu nshingano ibiciro by’ Imiti mu Rwanda kuko nyuma y’ iminsi dusabwa kuvugisha FDA kuko ariyo yabivugaho iki kigo cyatubwiye ko kitareba iby’ ibiciro by’ imiti ahubwo bareba ku bwiza nubuhangange nubudakemwa bwayo gusa.

Mu gihe urwego rubishinzwe rwagira icyo rubivugaho tuzabibagezaho.

Habineza Fiston Felix