Mu gihe u Buhinde bukomeje kwibasirwa bikomeye n’ubwoko bushya bwa Covid-19 bumaze kugaragara mu bihugu 21 birimo na Uganda, ubushakashatsi bwagaragaje ko urukingo rwa Covaxin rwakozwe na sosiyete ya Bharat Biotech yo mu Buhinde rushobora kuyirinda.
Nubwo byagaragaye ko uru rukingo rushobora kuyirinda ruracyarimo gukorerwa igerageza. Gusa, tariki 3 ukwezi kwa mbere uyu mwaka byemejwe ko rushobora gukoreshwa mu gihe hakenewe ubutabazi bwihutirwa.
Africa Nation itangaza ko uru rukingo rwa Covaxin rufite ubushobozi bwo kurinda umuntu Covid-19 ku rugero rwa 78%, harimo na Coronavirus yihinduranyije yo mu Buhinde yagaragaye muri Uganda n’iyo mu Bwongereza yabonetse muri Kenya.
Ubu bushakashatsi bwakorewe ku Bantu 28 bakoreweho igerageza rya Covaxin ndetse n’abandi 17 bakize Covid-19, bwerekanye ko uru rukingo rushobora kubarinda bose.
Kuri uyu wa mbere, abanduye Covid-19 bashya bararenga 360,000, naho abo yishe ni 3,417.
