U Rwanda mu bihugu bigiye kwakira inkingo za Covid-19

0
709

Kimwe n’ibindi bihugu 23 bya Afrika muri iki cyumweru u Rwanda ruzakira inking za Coronvirus zizatangwa binyuze muri gahunda ya Covax, yashyizweho ku bufatanye n’Ishami ry’Umuryango w’Abibumbye ryita ku Buzima, OMS, UNICEF, Banki y’isi n’indi miryango igamije gufasha ibihugu gusaranganywa inkingo za COVID-19, zigezwa mu gihugu.

Binyuze muri gahunda ya Covax, ibihugu bya Ghana na Cote d’Ivoire  ni byo bimaze guhabwa inkingo. Ghana yahawe dose ibihumbi 600 z’inkingo za Astrazeneca na Côte d’Ivoire yakiriye dose ibihumbi 500 na bine z’inkingo za Astrazeneca zavanywe mu Buhinde.

Muri rusange, u Rwanda ruzahabwa inkingo miliyoni 1 098 960 zishobora gukingira abaturage 549 480 kuko izi nkingo zombi zikenera guterwa kabiri kugira ngo zitange umusaruro. Izo nkingo zirimo ibihumbi 996 zakozwe n’Uruganda rwa AstraZeneca ndetse n’izindi 102 960 zakozwe na Pfizer, ndetse byitezwe ko ari zo zitangira gutangwa muri iki cyumweru.

U Rwanda rurateganya kuzaba rwakingiye 60% by’Abanyarwanda bitarenze umwaka utaha, ndetse ingengo y’imari ya miliyoni 124$ yamaze gutegurwa, ikazifashishwa muri icyo gikorwa. Byitezwe ko abantu ba mbere bari bwakire izi nkingo barimo abakora mu nzego z’ubuzima, abakuze n’abasanganywe indwara zidakira.

Perezida Nana yatewe uru rukingo maze ahita asaba abanya Ghana gushira ubwoba bakima amatwi icyo yise ibihuha bibabuza kwikingiza.

Guhera kuri uyu wa kabiri ibikorwa byagutse byo gukingira abaturage muri Ghana biratangira ku mugaragagro. Muri Cote d’Ivoire abaganga batangiye gukingirwa.

Muri Nigeria ho bategereje dose miliyoni enye nazo zizagera mu gihugu muri ik cyumweru. Uru rukingo rwa Covax muri rusange ruzagera mu bihugu 24 bya Afrika ku ikubitiro.