Rwatubyaye agiye kumara amezi umunani adakina

0
679

Myugariro w’ikipe y’igihugu, Rwatubyaye Abdul agiye kumara amezi umunani adakina kubera imvune yo ku kirenge.
FC Shkupi yo muri Macedonia yatangaje ko myugariro wayo Rwatubyaye yavunikiye mu mukino wa gicuti yatsinzemo 2-1, Sumgayit FK yo mu cyiciro cya mbere muri Azerbaijan.

Uyu mukino wabereye mu mujyi wa Antalya muri Turukiya ku wa gatandatu. Rwatubyaye w’imyaka 25 yari aherutse gutorwa mu ikipe y’abakinnyi 11 bitwaye neza muri Shampiyona ya Macedonia mu mwaka ushize wa 2021.

Yageze muri Shkupi avuye mu cyiciro cya kabiri muri USA aho yakiniraga ikipe ya Colorado Springs Switchbacks yakiniye umwaka umwe nk’intizanyo ya Colorado Rapids.

Rwatubyaye Abdul ari mubakinnyi ba banyarwanda bakina hanze bitwara neza mu makipe yabo