Polisi yataye muri yombi abanyerondo bakubise abantu mu Gatsata

0
61

Polisi y’ u Rwanda yatangaje ko yafashe abagabo batatu aribo Sindayigaya Ildephonse, Karangwa Jean Bosco na Ndahiro Elisa bari mu bashinzwe umutekano ku rwego rw’ibanze bagaragaye mu mashusho ku itariki ya 08 Nzeri bakubita Tuyisenge Evode, byabereye mu murenge wa Gatsata mu karere ka Gasabo.

Aya amshusho akaba yarafashwe n’ umwe mubanyamakuru hano mu mujyi wa kigali maze asakazwa ku mbuga nkoranyambaga.

Bavuga kuri iki kibazo Polisi yanditse kuri Twitter yayo ivuga ko itazihanganira abarenganya abaturage bitwaje gukurikirana ishyirwa mu bikorwa ry’ ingamba zo kwirinda Covid-19.

babinyujije kuri twitter Polisi yanditse iti: “Abitwaza kurwanya ikwirakwira rya Koronavirusi bagahohotera abaturage, ntibazihanganirwa. Abafashwe bafungiye kuri sitasiyo ya Polisi ya Gatsata mu gihe iperereza ririmo gukorwa n’urwego rubishinzwe.”

Aya mashusho yanyuze kuri Television ya BTN mu cyumweru gishize.