OMS yasabye ibihugu kudahagarika Astra Zeneca

0
952

Ishami ry’Umuryango w’abibumbye ryita ku buzima, OMS ryasabye ibihugu kudahagarika gahunda byari byatangiye yo gukingira Koronavirus bikoresheje urukingo rwa Astra Zeneca rukorerwa mu Bwongereza.

Kuri uyu wa mbere Ubuholandi ni bwo bwabimburiye ibindi bihugu guhagarika uru rukingo nyuma ya saa sita hakurikiraho ibindi bihugu bikomeye mu muryango w’ubumwe bw’Uburayi ari byo Ubudage, Ubufaransa, Ubutaliyani na Espagne.

Byatumye kuri uyu wa kabiri inzobere za OMS ziri buterane zikiga kuri uru rukingo zimwe n’inzobere zishinzwe ubuzima mu muryango w’ubumwe bw’Uburayi.

Ibihugu byafashe iki cyemezo byavugaga ko hari bamwe mu baturage baruhawe batangiye kugaragaza ibimenyetso biteye impungenge birimo kwipfundika kw’amaraso.

Imibare igaragaza ko mu bantu miliyoni 17 bamaze guterwa uru rukingo I Burayi, 40 ari bo bagaragaje ibi bimenyetso. OMS ikavuga ko uku kwipfundika kw’amaraso ntaho guhuriye n’urukingo.