Minisiteri y’ikoranabuhanga no guhanga udushya (MINICT) k’ubufatanye na MTN Rwanda bahaye telefone zigezweho(Smartphones) abaturage bo mu karere ka Huye

0
412

Minisiteri y’ikoranabuhanga no guhanga udushya (MINICT) k’ubufatanye na MTN Rwanda, kuri uyu wa mbere batangije gahunda yo guha abaturage telephone zigezweho (Smartphone) nk’intego ya ConnectRwanda.

Kuva kuri uyu wa mbere tariki ya 15 Ugushyingo kugera kuya 3 Ukuboza, Minisiteri y’ikoranabuhanga ifatanyije na MTN Rwanda bagomba kuba bamaze gutanga telephone igezweho imwe ku rugo rumwe muri buri mudugudu mu
turere twose tw’igihugu uko ari mirongo itatu.

Mu Karere ka Huye uyu muhango wari witabiriwe n’Umunyamabanga wa leta ushinzwe imibereho myiza Ingabire Assumpta, Umuyobozi ushinzwe ubukungu muri MTN Rwanda Nkurunziza Marc n’abandi bayobozi
batandukanye bo mu nzego z’umutekano mu karere ka Huye.
Umuyobozi ushinzwe ubukungu muri MTN Nkurunziza Marc, mu ijambo rye yavuze ko nta muntu ugomba gusigara inyuma mu iterambere ry’igihugu.

Yagize ati “nta muntu ugomba gusigara inyuma mu iterambere nicyo gituma MTN n’abandi bafatanyabikorwa turi hano kugira ngo tugere kuri uwo mugambi wo kugeza kuri buri muturarwanda telephone igezweho, tukaba dufite n’amahirwe mu gihugu cyacu kuba dufite ikigo gikora telephone (Maraphone) ntago ari telephone zituruka hanze zikorerwa mu Rwanda”.

Umunyamabanga wa leta ushinzwe imibereho myiza Ingabire Assumpta, wari uhari nk’umushyitsi mukuru mu kiganiro n’itangazamakuru yasabye umuturage gufata iyi telephone nk’igikoresho cy’iterambere.
Yagize ati “iyi telephone nkuko twabibabwiye tubasaba ko bayifata nk’igikoresho cy’iterambere ry’aho batuye n’iterambere ry’umuryango wabo, kuko ni henshi wabona amakuru ariko kandi natwe nka leta kubagezaho
amakuru rimwe ahita agera ku bantu bafite Smartphone, nk’ubutumwa bwo kwirinda Covid-19, gukangurira ababyeyi bafite abana kwikingiza n’ibindi”.

Umwe mu baturage 506 bahawe iyi telephone mu karere ka Huye
Nsengiyumva Valens, yavuze ko hari amakuru babwirwaga na bagenzi babo nk’ibihuha ubu bikaba bitazongera kubaho akaba agiye kujya amenya amakuru ku gihe.

Ku ikubitiro kuri uyu wa mbere izi telephone zatanzwe mu turere turindwi tw’igihugu aritwo, Huye, Gicumbi, Bugesera, Gatsibo, Nyabihu, Ngororero na Gisagara.