Kugeza ubu, Abashakashatsi bavuga ko byibuze abantu 800 bashobora kuba barapfuye ku isi kubera amakuru atari yo ajyanye na coronavirus basomye ku mbugankoranyambaga mu mezi atatu ya mbere y’uyu mwaka.
Ku ikubitiro Ubushakashatsi bwasohotse mu kinyamakuru cyo muri Amerika cy’ubuvuzi n’isuku bavuze ko abantu bagera ku 5.800 binjiye mu bitaro biturutse ku makuru atari yo ku mbuga nkoranyambaga.
Mu bapfuye benshi bazize kunywa methanol cyangwa ibicuruzwa bishingiye ku nzoga. Bizera ko ariwo muti wa virusi iterwa n’agakoko ka corona.
Ishami ry’Umuryango w’Abibumbye ryita ku Buzima (OMS) ryari ryabanje kuvuga ko ibihuha kuri Covid-19 bikwirakwira vuba nka virusi ubwayo.
Abakoze ubu bushakashatsi bavuga ko hari abahohotewe bari kugerageza gushyira mu bikorwa inama zisa n’amakuru y’ubuvuzi.
Hari kandi abishwe no kurya tungurusumu nyinshi cyangwa kurywa ibikungahaye kuri vitamine byinshi mu rwego rwo kwirinda iyi ndwara , Abandi banyoye ibintu nk’inkari z’inka n’ ibindi.
Aba bashakashatsi batanga inama bavuga ko ari inshingano z’inzego mpuzamahanga na guverinoma mu gushyira imbaraga mu kumenyakanisha amakuru ya nyayo kuri iki cyorezo.
Muri iyi Raporo Kandi Amasosiyete y’ikoranabuhanga anengwa kuba atifatanya ninzego zubuvuzi ku gutanga amakuru ya nyayo ku cyorezo.
