Kuri uyu wa mbere 9 ugushyingo 2020, Umuyobozi wa leta ya Tigray imwe mu zigize iki gihugu yasabye umuryango wa Africa yunze ubumwe ko wakwinjira mu kibazo iyi leta ifitanye na Ethiopia ngo kuko leta ya Abbey Ahmed iri kwinjiza abaturage bo muri aka gace mu ntamabara ya gisivile ishobora kumara igihe kinini kandi ikagwamo abantu benshi.
Mu butumwa bwaciye kuri Televison Perezida wa Tigray Debretsion Gebremichael yavuze ko barakomeza kurwana ningabo za leta ya Ethiopia kugeza igihe leta ya Abey Ahmed yemereye kwinjira mu biganiro.
Hagati aho, Hari amakuru avuga ko abasirikare ba leta ya adis abeba 100 bamaze kugwa muri iyi mirwano.
Kuri iki cyumweru tariki 8 Ugushyingo 2020, Minisitiri w’Intebe wa Ethiopia, Abiy Ahmed, yakuyeho abayobozi bakuru mu nzego z’umutekano barimo Umugaba Mukuru w’Ingabo, Umukuru w’Urwego rw’Ubutasi n’Umukuru wa Polisi, anasimbuza Minisitiri w’Ububanyi n’Amahanga.
Minisitiri mushya wingabo yashyizeho yahise avuga ko ingabo ze zirakomeza gusuka amasasu ku ngabo za leta ya tigrey leta ishaka ubwigenge kuri Ethiopia kuko ubusanzwe yari imwe muzigize iki gihugu cyigizwe namaleta cyangwa state nyinshi.
Umuzi w’ ikibazo
Abo mu bwoko bwa Tigray bari bafite ubutegetsi hafi ya bwose muri Ethiopia kuva mu mwaka wa 1991 kugeza mu 2018, ubwo Bwana Abiy yatorwaga. Kuva icyo gihe ubutegetsi bwabo bwaracyendereye ndetse benshi mubari muri leta bakurwamo ubu bose bibera muri iyo leta aho bari gukora ibikorwa bisa nibiganisha ku gushaka ubwigenge bwuzuye kuri Ethiopia.
Ubushyamirane hagati ya Ethiopia n’umutwe wa Tigray People’s Liberation Front (TPLF) uharanira kwigenga kw’ iyi ntara bwarushijeho kwiyongera mu mezi ashize, buri ruhande rushinja urundi gucura umugambi wo gukoresha imbaraga za gisirikare kandi niko byaje kugenda.
Hagati aho, Amakimbirane yabaye menshi aho Tigray ikoreshereje amatora y’abagize inteko ishingamategeko mu kwezi kwa cyenda. Ako kanya, Leta ya Ethiopia yavuze ko ayo matora atemewe n’amategeko kuko yabaye mu bihe byo guhanga na Covid19 kandi ibintu byinshi byari byahagaze.
