Umuryango w’ubumwe bw’Uburayi (EU) wavuzeko ko uzakomeza amategeko yo kohereza mu mahanga inkingo za Covid19, ni mu gihe uyu muryango ufitanye icyibazo na AstraZaneca kuko iyi iteganya kugabanya inkingo yari yageneye ibihugu 27 bigize uyu muryango.
Stella Kyriakides, komiseri ushinzwe ubuzima muri uyu muryango yavuze ko uyu muryango, uzafata ingamba zose zishoboka mu kurengera abaturage bawo.
Mu cyumweru gishize, uruganda rw’imiti AstraZaneca rwakoze urukingo, rwabwiye uyu muryango ko rutazashobora gutanga inkingo rwari rwemeye kubera ibibazo mu kuzitunganya.
Mu cyumweru gishize, Tedros Adhanom Ghebreyesus ukuriye Ishami ry’umuryango w’abibumbye rishinzwe ubuzima ku isi (OMS/WHO) yavuze ko isi iri mu kaga ko kubura ubumuntu, kubera gucuranwa inkingo za Covid19.
Tedros yavuze ko doze zirenga miliyoni 39 z’inkingo zimaze gutangwa mu bihugu 49 bikize – ariko hari igihugu kimwe kiri mu bikennye kimaze kubona dose 25 gusa.
Leta z’ibihugu bikize zavuganye n’inganda zimaze gukora inkingo kugira ngo zigure izihagije, ibi bitera impungenge umuhate rusange wo kugeza inkingo ku bihugu bikennye.
Gahunda yo gukingira mu bihugu bimwe bigize Uburayi iri kugenda buhoro kuko inkingo inganda zatangaga zagabanutse, ibihugu bimwe binavuga ko bishobora kurega inganda byumvikanye.
